[足球分析] 由魚腩變成榜首!3項改變令冰島足球進化! 究竟香港得唔得? – Men|Go idea

[足球分析] 由魚腩變成榜首!3項改變令冰島足球進化! 究竟香港得唔得?  – Men|Go idea

冰島,一個只有33萬人嘅國家,卻完成左一個又一個不可能的足球任務。網上曾有一個笑話,指如果將冰島嘅女性、肥人、其他職業一拼剔除,只會剩低23個人,佢地就係冰島國家隊。

 

有趣歸有趣,但事實上冰島國家隊的確喺近年嘅國際賽場上鋒芒畢露,短短7年(2010-2017),國際排名由110躍升至21,僅次於2010世界盃亞軍荷蘭。遺憾嘅係,後者於早前世盃外圍賽出師不利,篤定無緣2018俄羅斯世界盃,相反冰島繼歐國盃16強加時反勝英格蘭,歷史上首次擠身8強,成就一時佳話,2年後佢地再接再厲,係世界盃外圍賽I組先後擊敗克蘭地亞、烏克蘭同土耳其等同組勁敵,以小組首名Book定去世盃決賽週嘅機票,與此同時打破左人口最少國家參與世界盃決賽週嘅紀錄。

世盃外圍賽I組結果:

wikipedia.org

第一行為冰島對賽成績:

wikipedia.org

1. 重視足球青訓  全民皆「兵」

如果大家以為冰島嘅事跡只係曇花一現,恐怕過份片面理解足球,以至扼殺左足球員對球隊嘅付出同努力。傳奇足球員兼現任美國國家隊教練奇連士文曾經講過,一個足球紀元嘅誕生,並非一朝一夕,而係需要多年嘅籌備同計劃方可完滿。就好似2010-2014年嘅巴塞羅那,球星美斯、沙維、恩尼斯達、巴斯基斯等人自幼就已經係青訓營入面受訓,佢地夾得咁好,成就「Tiki-Taka」、「Possession football」等美譽嘅巴塞王朝,當中嘅投資、建設可謂千千萬萬,或者用一句說話去形容—台上一分鐘,台下十年功。

pinimg.com

冰島亦唔例外,佢係一個對足球十分狂熱嘅國家,33萬人,就擁有超過21500個註冊足球員,呢班球員大多數都受過專業訓練,而且從小開始培訓,假如一個冰島小朋友要成為職業足球員,佢由6歲開始就要開始每星期上3至4堂足球課,並會同時接觸其他體育項目,例如籃球、手球、田徑等。另外,冰島足協規定凡教導5歲以上小朋友,教練都必須持有B級教練執照。據統計,擁有B級或以上教練牌嘅冰島人已經接近1200人,按比例計,平均1個教練就只需要教20個足球員。冰島現任主教練賀堅臣(Heimir Hallgrimsson)指出,現時大部份國家隊都係國內青訓嘅產品,於國內受訓長達15年,先到國外搵食。

反觀香港,要一個小朋友成為職業足球員同時兼顧學業,恐怕大多數家長都未必接受得到。而且考獲亞洲足協B級教練執照嘅人就只有60位,A級執照嘅就只得14位,係人才培訓同資源方面都不足嘅情況下,由青訓做起以致發展足球的確十分困難。

2. 發展免費場地 迎合氣候需求

要發展足球,點可以唔發展足球場地?香港就話要振興體育事業,點知翻新左旺角大球場,連看台都「翻新」埋,幾百個坐位被「失蹤」;又話要建設一個國際水平足球場以應付大型賽事,但香港大球場嘅草地就十年如一日,兩年前嘅英超邀請賽,數十個世界級球星係泥地上飛沙踢石,惹黎國際笑話。

zimbio.com

睇返冰島,一個一年有十個月氣候寒冷,並有半年會持續落雪嘅國家,室外足球場大如國家級嘅勞加道爾運動場(Laugadal stadium)只能夠短期適用比賽。有見及此,2000年初冰島開始長達20年嘅室內球場增建計劃,呢個國家級嘅大型建設項目借鏡於同屬接近北極圈嘅挪威,務求係20年內最少每個主要城市都會有一座室內足球場。現時冰島12個主要城市中,有11個已經有一個設備完善嘅室內足球場,除左供暖,仲配有訓練同比賽兩種燈光系統。冰島政府為左大力推廣足球普及,仲係國內每間學校旁邊興建一個小型足球場。呢啲球場聯同上述嘅室內足球場,都係免費開放俾所有人。而大球會嘅球場同訓練場,都會係假日免費開放俾群眾使用。

冰島 – 勞加道爾運動場(Laugadal stadium)

iceland magazine

冰島 – 達尼洛運動場(Telenor arena)

wikimedia.org

自06年起遇上經濟危機嘅冰島都肯投放大量金錢振興足球,為何年年庫房「水浸」嘅香港唔得?

3. 紀律、集中、汗水成就冰島足球革命

呢句說話,由冰島主教練賀堅臣口中輕輕帶過,就連講到冰島足球嘅成功之道,佢都保持住冰島人個種內斂同謙遜,或者呢個就係每個冰島足球員嘅特質,亦因為咁樣,佢地先能夠於賽場上競逐90分鐘都豪不氣餒。或者以一件事作例,時間回到2016年歐國盃8強冰島對法國時,即使前者落後4-0,隊中當家球星施古臣(Gylfi Sigurðsson)仍然係場上聲嘶力竭,大叫球隊向前壓迫爭取入球,呢種永不言敗、永不放棄嘅精神,就好似其中一位球員冰島國家隊隊員嘅手臂紋身一樣:「Þetta reddast」(一切都會好起來)

冰島中場 – 施古臣(Gylfi Sigurðsson)

TEAMtalk.com
layoutlines.com

假如李斯特城係英超嘅神話,咁冰島就係國際足球嘅童話。李城嘅神話係2016年正式謝幕,但係16年歐國盃開始嘅冰島童話,直到今年嘅世界盃外圍賽依然繼續撰寫緊,童話幾時會完?無人知。至少,佢地嘅故事為足球畫上左一個又一個感嘆號。小編相信,呢個童話可以係香港發生,因為香港人對足球嘅熱愛絕對唔會少過其他地方。作為一個香港人,唯一可做嘅就係寄望將來,同時講一句Þetta reddast。


Related Posts

英超又排第一!球員身價升幅榜,沙拿差不多升了一倍!– Men 男人墟|Go idea

英超又排第一!球員身價升幅榜,沙拿差不多升了一倍!– Men 男人墟|Go idea

過去半年,歐洲五大聯賽身價上漲最多的球員是誰?著名足球數據統計機構CIES給了答案。 Related

米勞列要走?利物浦出4000萬搶英國門神,阿仙奴都想爭!– Men 男人墟|Go idea

米勞列要走?利物浦出4000萬搶英國門神,阿仙奴都想爭!– Men 男人墟|Go idea

據《每日鏡報》報導,利物浦想以4000萬鎊鎖定史篤城門將積克巴特蘭。 Related



男人墟