[PC/Mac/Android]新Game前瞻!足球經營大作FM2018即將上市!6大要點入手前你要知!- Men|Go idea

[PC/Mac/Android]新Game前瞻!足球經營大作FM2018即將上市!6大要點入手前你要知!- Men|Go idea

又就黎到11月,熟悉足球Game嘅朋友應該都清楚又係新一集Football Manager面世嘅時候。新一代足球經營大作Football Manager 2018 將會於下個月10號上市,今年仲會同一日將IPad、手機同電腦版FM一齊發售。不過係入手之前,有幾個要話俾各位玩家聽~

sega.com

#1 提早訂購可以早兩個星期玩

如果玩家早前已經從SEGA或者SEGA合作公司度訂購左FM2018,將可以提早14日享受到遊戲嘅試玩版,如果唔知邊間係SEGA嘅Partner?呢到有個地址俾你查詢:  Link 

#2 買左FM2017,買FM2018時可享有25% Off (限Steam玩家)

如果玩家舊年喺Steam買左FM2017,咁今年就能夠以75折優惠買FM2018。

#3 全新Scouting System

由於多年嚟玩家都係上網搵妖人以致遊戲入面嘅球探系統有等於無,所以今年遊戲開發商SEGA就將個Scouting System進行左一次大翻新,除左改善個球探系統之外,更加強左球探對轉會市場、球員報告、以及Scouting進度等細節嘅影響。

為左方便玩家對一個視察緊嘅球員嘅處理,新一代FM將多個選項歸納埋一齊(圖片下方的7個項目),置於報告下方,玩家可以睇完報告之後,輕鬆做出相應行動。

另外,當玩家吩咐球探進行Scouting Assignments個陣,可以因應情況緩急而選擇一般搜索(General),或短期搜索(Short-term),前者多數為尋找長期發展球員而設,而後者就為左填補短期空缺(例如中場傷晒,要搵個可以即食嘅球員頂腳)。兩個Assignments嘅使用介面都有分別,詳細就等玩家自己摸索。

新作更改善Scouting List嘅介面,務求將更多有用資料放埋一頁,方便玩家閱覽。個人就好鍾意佢將球員位置(Positions)用小圖示放上個list度。

最後,個人亦認為最重要嘅改變就係球探將會更詳細話你聽下一個對手嘅戰術資料。除左估計對手個陣點排、用咩人,勁嘅球探仲會講俾你聽對手球員會打咩角色,例如邊個負責派牌(playmaker),邊個係射手(Target man)等等。

#4 Data analyst 及 Sports Scientist

呢兩個角色係FM2017已經存在,但基於FM2017未將兩者發展晒就推出,所以玩個陣完全無用。但今年佢地就將呢個問題改善左。

Data analyst將會擔當球員嘅表現分析師,玩家可以定期向佢地拎球員表現報告,呢啲報告會詳細講解指定球員於球場上最好同最差嘅一環係乜。方便玩家對球員進行針對性操練。

今集Sport Science會駐紮係一個叫做Medical Centre嘅Page入面,佢地除左直接向你報告球隊嘅受傷情況,仲會同你講邊個球員比較容易受傷,邊一種訓練會容易導致球員受傷等等,令你更加有效咁去保護球隊入面嘅玻璃人。

今集仲有人型公仔,指出受傷位置,平時唔識醫理嘅玩家可以順便學埋英文。

 

#5 再度改善遊戲畫質、Database添加超過7000個球場

今集遊戲比賽畫面據聞係以高清制作,而且球員動作係以真人用motion sensor投射返入遊戲內,真實性同遊戲性都會大大提升!

#6 戰術與球員

新一代戰術介面將會話俾你聽你隊波打緊嘅陣有咩弱點(下圖右手面,陣中的紅色方格為最脆弱點、較淺色的就次脆弱點,如此類推):

最後,就係球員會因應相同性格而埋堆,要令所有球員都開心同士氣高昂將會變得困難,玩家作為主教練,要識得盡量爭取球隊入面最具影響力嘅球員嘅信任,並要知道取捨。


Related Posts

iOS/An,手機對戰格鬥遊戲《鐵拳》,正式上架!– Men 男人墟|Go idea

iOS/An,手機對戰格鬥遊戲《鐵拳》,正式上架!– Men 男人墟|Go idea

BANDAI NAMCO Entertainment Europe S.A.S. 旗下iOS / Android 平台手機對戰格鬥遊戲《鐵拳》,遊戲以基本免費下載內購付費制形式上市。 Related

PS4/XB1/PC,動畫題材射擊遊戲《刀劍神域:奪命凶彈》,PC版買一送一!– Men 男人墟|Go idea

PS4/XB1/PC,動畫題材射擊遊戲《刀劍神域:奪命凶彈》,PC版買一送一!– Men 男人墟|Go idea

BANDAI NAMCO Entertainment 製作,已在 PS4/Xbox One/PC平台推出的動畫題材射擊遊戲《刀劍神域 奪命凶彈(Sword Art Online: Fatal Bullet)》,PC版玩家早前已預訂遊戲可獲買一送一優惠。 Related



男人墟