[足球分析]5個未來最有機會獲得足球先生嘅球星!究竟「後C朗美斯時代」邊個會稱霸球壇?- Men|Go idea

[足球分析]5個未來最有機會獲得足球先生嘅球星!究竟「後C朗美斯時代」邊個會稱霸球壇?- Men|Go idea

當美斯同C朗退休之後,究竟邊個會問鼎球壇?呢個問題或者喺今日已經可以搵到端倪。今日同大家分析5個最有機會取代美斯同C朗位置嘅足球員!唔知各位球迷又同唔同意呢?1. 尼馬(Neymar)

qz.com

睇怕好多球迷都會覺得尼馬會係首位繼美斯同C朗之後嘅足球先生得主。17歲就係巴甲球會山度士打響名堂嘅佢,於2013年轉會西甲班霸巴塞隆那,當時仲話轉投巴塞係為左幫美斯成為最強,兼跟美斯學嘢,一直被巴塞球迷視為美斯接班人嘅佢亦不負所託,加盟巴塞4年就幫巴塞贏過各項重要錦標(歐聯、西甲、西班牙盃等),上陣186場就入左105球。但係由於美斯成30歲都仲咁當打,26歲嘅尼馬就為自己作出一個重要決定,盛傳佢今夏以天價2.22億歐元傳會巴黎聖日耳門就係因為唔想活於美斯嘅陰影之下,而且今年巴黎重金禮聘買埋摩洛哥超新星麥巴比,連同隊中射手卡雲尼組成嘅進攻三叉擊,成為左今年歐冠奪標大熱門,加上世盃外圍賽佢交足貨仔表現極好,假如佢今年能夠協助巴黎達成「3冠皇」,加埋下年俄羅斯世界盃有好表現,問鼎足球先生不是夢!

 

2. 普巴(Paul Pogba)

Skysports.com

擁有強勁身體對抗同時腳法細膩靈活嘅曼聯中場普巴絕對可以挑戰將來球足先生寶座,當年被曼聯青訓放棄而加盟意甲球會祖雲達斯,一進入球隊就獲得長期正選,更連續4季幫祖記贏得意甲冠軍同兩次意大利盃冠軍。16年以破當時轉會紀錄(1.05億歐羅)回家曼聯嘅佢,雖然仲未能幫球會贏得任何重要錦標,不過隨住葡萄牙名帥摩連奴嘅加盟,以及近年球隊成功收購(伊巴謙莫域、米希達恩、馬迪、奴卡古等),曼聯再度贏得冠軍只係時間問題,而普巴必定係曼聯成功嘅重要一員。

That’s how Paul Pogba is toying with Eric Dier!

 

3. 戴巴拿 (Paulo Dybala)

twitter截圖

同普巴做過隊友嘅佢當年喺意甲球會巴勒莫成名,15年加入祖雲達斯成為球隊絕對主力,16年開始更接替多個傳奇球星(迪比亞路、巴治奧等)著過嘅10號波衫,以奠定佢成為球隊核心嘅重要指標。變速極快、創造力強、身體靈活嘅佢係球場上不時帶俾觀眾驚喜。現時司職球隊9號半嘅佢打法同美斯非常相似,亦有傳巴塞希望將佢收歸旗下作為後者接班人,而且今年只有23歲,仍有好多進步空間,成為足球先生指日可待。

 

4. 阿辛斯奧 (Marco Asensio)

以兩球遠射協助皇馬擊敗巴塞隆那贏得今年西超盃嘅阿辛斯奧,可以話係皇馬近年最成功嘅超新星,早年係成名於西甲馬略卡,當時巴塞隆那都有接觸過佢經理人,不過Marco最後揀左銀河艦隊作為佢嘅下一站。其實Marco嘅遠射又點止對巴塞個兩球,同樣係今年嘅歐洲超級盃對西維爾個陣,佢都係附近位置射入金球。年僅21歲嘅佢,極有可能成為下一個繼承C朗左翼位置嘅人,出色嘅射術加上擁有一班巨星作為佢嘅導師兼助力,如果施丹未來將阿辛斯奧變成皇馬戰術重心,將佢打造成下個足球先生並非難事。

Realmadrid.com

5.麥巴比 (Kylian Mbappé)

en.psg.fr

只有18歲嘅麥巴比,今個夏季以1.8億歐羅,用先借後購形式由摩洛哥加盟巴黎聖日耳門,司職射手嘅佢上季喺摩洛哥上陣44場攻入26球,當中有6球就喺歐聯之中射入,被視為「新亨利」嘅佢擁有極高嘅速度同精湛射術,而且年紀輕輕就大賽經驗豐富,截至今年九月已經為法國國家隊上陣八場並於世界盃外圍賽攻入荷蘭一球,前途無可限量。依家喺聖日耳門跟住尼馬搵食,可謂盡得尼馬真傳,而且佢喺聖日耳門嘅表現絕對不輸尼馬,小編更認為有過之而無不及,假以時日,佢必定可以成為世界最頂尖嘅球員之一。

 


Related Posts

英超又排第一!球員身價升幅榜,沙拿差不多升了一倍!– Men 男人墟|Go idea

英超又排第一!球員身價升幅榜,沙拿差不多升了一倍!– Men 男人墟|Go idea

過去半年,歐洲五大聯賽身價上漲最多的球員是誰?著名足球數據統計機構CIES給了答案。 Related

米勞列要走?利物浦出4000萬搶英國門神,阿仙奴都想爭!– Men 男人墟|Go idea

米勞列要走?利物浦出4000萬搶英國門神,阿仙奴都想爭!– Men 男人墟|Go idea

據《每日鏡報》報導,利物浦想以4000萬鎊鎖定史篤城門將積克巴特蘭。 Related



男人墟