[PC/Xbox game] 仿照外國射擊大作PUBG開發!兩大遊戲模式對比!究竟邊隻Game好啲?– Men|Go idea

[PC/Xbox game] 仿照外國射擊大作PUBG開發!兩大遊戲模式對比!究竟邊隻Game好啲?– Men|Go idea

試想像,係一個叢林茂密、山清水秀、杳無人煙嘅荒島上面,突然有百幾艘飛船係天上飛過,飛船降至半空,緩緩打開閘口,將一個又一個男女投降落島上面。呢批男男女女隨即解除降落傘,攀山涉水,藏身喺穀倉和哨站,搜集槍支、藥物同其他物品。隨住風暴來臨,生存圈將會愈縮愈細,玩家嘅活動範圍收窄,佢地將會面臨住一連串嘅撕殺。
最後一個生存嘅玩家就係勝利者。

唔好以為我講緊飢餓遊戲(Hunger Game),我所講嘅係近年好Hit嘅寫實射擊大作絕地求生(PLAYERUNKNOWN’S BATTLEGROUNDS;簡稱PUBG),呢款遊戲於今年3月提供試玩版後,三日內遊戲公司收入突破1100萬美金。截至9月,遊戲喺Steam平台上銷售量已經累積左超過1000萬套,佢嘅成功亦都吸引左其他遊戲商嘅注目。

直到近日,美國遊戲商Epic Games仿照PUBG,開發一隻名為要塞英雄:大逃殺(Fortnite: Battle Royale)嘅射擊遊戲。隻Game喺今個星期一(23號)開放Demo俾大家免費試玩,基本上遊戲模式,以至世界設定都同PUBG十分相似。但兩隻遊戲就只限於相似層面,事實上都有一定區分。

PUBG遊戲Poster :

bigscreenvr.com

PUBG Gameplay 截圖 :

YouTube圖片

要塞英雄遊戲Poster :

comicbook.com

要塞英雄Gameplay 截圖:

Pegitboard News

就畫風而言,要塞英雄就同另一款射擊作品Over Watch一樣,以漫畫風格建立遊戲世界,所以色彩較PUBG鮮艷,對於一個小朋友嚟講,如果要佢喺PUBG同要塞英雄之間2選一,後者好可能因為畫風而完全制勝。左圖為PUBG遊戲畫面,右圖為要塞英雄遊戲畫面,可見後者遊戲畫風顏色較明亮同鮮艷:

Game Informer

另外,由於PUBG主打真實嘅戰爭場景,係戰略方面,就集中係玩家嘅走位、團隊合作以及射術等手段上。PUBG一開始就可以俾玩家選擇係島嘅邊一個位置降落,假如選擇島中心降落,可以長時期處於生存圈入面,但就要面對一大班人嘅競爭;相反,選擇係島邊降落就有更多時間搜集資源同裝備,不過就要同時間競賽,因為死亡圈將會喺遊戲開始報快速擴張。而且死亡圈並非只係由外而內推進,有時更會隨機咁喺島上任何一個地方出現,就如下圖所示,一但長時間留身係紅圈內,玩家就會快速死亡。

youtube圖片

至於要塞英雄嘅玩家一開始係唔可以選擇降落點,同PUBG一樣,玩家都係要限時之內盡快到達島中心。係戰略方面,由於島上所有嘢都可以用鋤頭打爛,所以呢個類似Minecraft嘅遊戲完素將會係遊戲後期嘅致勝關鍵,玩家除左需要用武器擊敗對手,每個人仲會一開始就分配一把大鋤頭,用嚟開發島上嘅木材、磚塊同鐵條,呢啲材料將會俾玩家用嚟起樓梯、城牆、小屋,甚至哨站。

遊戲中嘅哨塔:

YouTube圖片

玩家建設時顯示嘅藍圖:

gamesasylum.com

除左建設物件,玩家仲可以用鋤頭破壞遊戲世界入面嘅牆壁去打開通道,以及尋找隱藏係密室之中嘅寶箱。寶箱內多數會有火力強大嘅武器,俾玩家可以殺個痛快![P.S.如果走近寶箱,玩家會聽到特別嘅聲音。]

Esports

總括而言,由於畫面、人物動作、玩法等方面都仿照真實軍備而制定,PUBG絕對係一款俾到玩家追求真實槍戰嘅射擊Game。如果玩家鍾意輕鬆同朋友玩槍Game,又或者有玩開Over Watch,咁要塞英雄就比PUBG更加適合你嘅遊戲風格。

由於要塞英雄仲喺開發階段,所以官網提供免費試玩版,有興趣嘅玩家可以到官網下載 : Link

要塞英雄Gameplay : Link


Related Posts

PS4/XB1/PC,動畫題材射擊遊戲《刀劍神域:奪命凶彈》,PC版買一送一!– Men 男人墟|Go idea

PS4/XB1/PC,動畫題材射擊遊戲《刀劍神域:奪命凶彈》,PC版買一送一!– Men 男人墟|Go idea

BANDAI NAMCO Entertainment 製作,已在 PS4/Xbox One/PC平台推出的動畫題材射擊遊戲《刀劍神域 奪命凶彈(Sword Art Online: Fatal Bullet)》,PC版玩家早前已預訂遊戲可獲買一送一優惠。 Related

PS4/Xb1/PC,經典格鬥遊戲《劍魂 6》,新片介紹2名登場角色!– Men 男人墟|Go idea

PS4/Xb1/PC,經典格鬥遊戲《劍魂 6》,新片介紹2名登場角色!– Men 男人墟|Go idea

BANDAI NAMCO Entertainment 推出的經典格鬥遊戲《劍魂》系列有新作《劍魂 6》,公開了兩名既有登場角色「艾薇(Ivy)」與「查薩拉梅爾(Zasalamel)」的影片供玩家參考。 Related



男人墟