[足球冷知識]5屆足球先生得主!關於C朗拿度的5件有趣軼事!- Men | Go idea

[足球冷知識]5屆足球先生得主!關於C朗拿度的5件有趣軼事!- Men | Go idea

早前揭盅嘅年度最佳足球員得主C朗拿度,一直以驚人嘅入球數據同身體質素稱霸球壇。不過球場外嘅C朗故事同樣多籮籮,唔知大家又有無興趣知多啲?今日就同大家分享5件關於C朗嘅趣事。

C朗個名同美國總統有淵源?

C朗媽媽瑪利亞(Maria Dolores dos Santos Aveiro)因為十分鍾意前美國總統列根,於是用列根嘅英文名(Ronald)做一對仔女嘅名,C朗就叫Ronaldo,佢家姐就叫Ronalda。而葡萄牙人本身無Ronald作為人名字根嘅情況,可能因為咁樣,令到佢同家姐個人都咁獨特。

SuccessStory.com

俾老師責備:「踢波搵唔到食」

C朗小學時期已經非常熱愛足球,成日因為踢波而上課遲到。終於一次老師當住C朗面前同佢講:「放低個足球啦~佢唔會為你嘅生活帶嚟任何嘢。」好彩當時C朗仲細個,無將佢呢句話擺係心入面,如果唔係今日將會少左一個球皇!

唔知個老師見到今日嘅C朗,仲會唔會叫佢放低個波呢?估唔到連葡萄牙嘅老師都好似香港老師咁,思維咁一致。

imgur.com

「費格遜 」——我的足球之父

傳奇教練費格遜同C朗識於微時,佢地嘅緣份來自一場曼聯對士砵亭嘅友誼賽。據費爵爺自傳提到,當時只有17歲嘅C朗係邊路玩到曼聯後衛奧沙(O’Shea)氹氹轉,令到費SIR喺賽後衝上看台同前曼聯CEO 簡安講:「除非簽左呢個細路,如果唔係我地唔返英國!」於是簡安就同費SIR一齊去搵C朗同C朗經理人會面,第二日曼聯就安排私人飛機帶C朗去奧脫福參觀,並喺03年夏天簽下呢位葡萄牙新星。費格遜於自傳入面形容第一次見到C朗嘅感覺:「是我執教生涯里最激動和最期待的時刻」。佢續稱,唯一近似嘅感覺係他見到紐卡素新星保羅.加斯居尼踢波個時,當年佢都試圖簽下呢位球星,但後者最終加盟熱刺。

至於03年加盟曼聯嘅C朗,本來想著28號波衫,但費SIR堅持俾件7號佢,當時好多人都對呢件時感到質疑(包括球迷),但C朗就用左三季時間,將所有人把口封到實一實。並帶領曼聯於07、08、09年橫掃英國及歐洲賽事各大獎項,單係呢3季就攻入近100球,及交出30多個助攻,成為08年世界足球先生。2009年,C朗以破當時轉會費8100萬英鎊加盟銀河艦隊皇家馬德里,成為一時熱話。

唔怪得佢回憶曼聯生涯個陣,都感謝恩師費格遜,仲稱佢做自己嘅「足球父親」。

zimbio.com

Ronaldo Junior的母親是誰?

喺2010年南非世界盃,葡萄牙以1球輸俾西班牙出局後,C朗於自己Facebook同Twitter公佈他做左爸爸,仔仔個名叫Ronaldo Junior。不過,當時大家嘅焦點唔係佢個仔係點,而係Junior嘅媽媽係邊個,多年嚟C朗都無正面回答呢個問題。不過根據外國報章報導,Ronaldo Junior個媽媽好有可能係一間餐廳嘅女侍應,同C朗發生過一夜情之後就懷孕,C朗得知自己有個仔之後,希望從女方手上得到撫養權,並送左1000歐羅俾女方做揞口費。

Ronaldo Junior今年已經8歲仔喇~唔知C朗有無去驗DNA呢?不過Ronaldo Junior咁靚仔,又同C朗生得咁似,唔洗驗都知啦~

C朗與兒子Ronaldo Junior合照:

sports.naij.com

1-90分鐘都入過波嘅球員!

原來C朗有個紀錄,連死對頭美斯都難以破到,就係於比賽每一分鐘都有入過波,而C朗係唯一一個紀錄擁有者及保持者。呢個紀錄仲有一個要點,就係所有入波都要係正式比賽內進入先算數。

事不宜遲,一齊去欣賞佢每分鐘嘅入波:


Related Posts

英超又排第一!球員身價升幅榜,沙拿差不多升了一倍!– Men 男人墟|Go idea

英超又排第一!球員身價升幅榜,沙拿差不多升了一倍!– Men 男人墟|Go idea

過去半年,歐洲五大聯賽身價上漲最多的球員是誰?著名足球數據統計機構CIES給了答案。 Related

米勞列要走?利物浦出4000萬搶英國門神,阿仙奴都想爭!– Men 男人墟|Go idea

米勞列要走?利物浦出4000萬搶英國門神,阿仙奴都想爭!– Men 男人墟|Go idea

據《每日鏡報》報導,利物浦想以4000萬鎊鎖定史篤城門將積克巴特蘭。 Related



男人墟